Imago lacus

The picture above was taken by a dear friend, the American poet Debra Kang Dean (please do not use it without permission). I met Debra three years before, when I went to Walden to work with his late husband Brad, a great Thoreau scholar. Once we spent hours tracking this quotation: "Some men go fishing all their lives without ever realizing it's not fish they are after." We concluded that Thoreau never wrote it, but si non è vero...

Sunday, July 10, 2011

Mikel Ibarguren-en poema bat

“Aditzek traba egiten diote poesiari,” esan omen zuen Kirmen Uribek, eta harritu egin ninduen esaldiak. Poema zehatz bat egiterakoan, kasu batzuetan aditz kopurua murriztea baliagarria izan daiteke, dudarik gabe, baina poetika orokortzat ez nuke hartuko gomendioa, zabalegia iruditzen zaidalako. Aitzitik, beste kasu batzuetan aditzak erabileran datza poema baten xarma nagusia, bizitasuna eta mugimendua ematen dizkiona. Esate baterako, honako hau:


ZUGANA

zuganantz ninderamaten arrastoak
galdu egin dira itsasgorarekin batera
orain ez dakit nora egin nola heldu
Karrika Handitik Duconteniara eginez
zutaz egin dut galde
pentsamen setiatuetan ostatu harturik

Archiluatik behera egin dut azken saiakera
bakardadearen urratsak eta nireak senidetuta doaz
urertzetik gora egin dute
galbiderik ez delakoan
aurkituko zaitudan berme apurrarekin

zuganaino iritsi nahi nuke egun
akorduaren gerizatik aldendu gabe
haizearen hatzak ileetan izan arren
kazkabarrak poltsikoak beteko badizkit ere
zugana egin lerro-lerro
kale itsu honetatik atera nadin
neure zainek lotu aurretik

zugana
begirik bildu gabe

Mikel Ibarguren
joan da negua (Susa, 2011)

No comments:

Post a Comment