Imago lacus

The picture above was taken by a dear friend, the American poet Debra Kang Dean (please do not use it without permission). I met Debra three years before, when I went to Walden to work with his late husband Brad, a great Thoreau scholar. Once we spent hours tracking this quotation: "Some men go fishing all their lives without ever realizing it's not fish they are after." We concluded that Thoreau never wrote it, but si non è vero...

Monday, April 22, 2013

Oier Guillan-en bi poema berri

HAN

han dagoena dakit
oroitzen ez dudanean ere

han dagoena dakite
nire azal gorriak
eta ile beltzak

han dagoena daki
oroitzen ez dudanak
etxe bati teilatua nola
abizenetan iltzatua denak

han dagoena daki
nire haurtzaroak
urruneko albistegietan
norbait ezaguna ikustea
espero duenaren moduan

han dagoena dakit
ez naizenaren oroitzapena
dakidalako hemen


BATUA

Oliba gizona. Hizkera garbia duen bestea.
Batua jaio den kanpotarra.
Fabriketan eraikitako etorkin ideologikoa.

Zer dio euskaldun berri zaharrak
arbasoen mendekua
gerturik daukagu odola
eta arro nago
jo-ta-ke guztiak
kantatzean?,
eta kontroletan mihiari eustean?

Bokalez mukurutu diren izenek
dioskute orainean badela mundu bat
Fernandez, Rodriguez, Hernandez, Bermudez,
eta bestek zedarritua dena.

Odolik gabeko berbak.
Odola isuri duten lerro arteak.
Oliba emea. Euskalkirik ez duen bestea. Batua.

Lerro hauetara jaio ninduten berbek
diote nola, naizena.

Oier Guillan
Elkartasun basatia (Susa, 2013)

No comments:

Post a Comment