Imago lacus

The picture above was taken by a dear friend, the American poet Debra Kang Dean (please do not use it without permission). I met Debra three years before, when I went to Walden to work with his late husband Brad, a great Thoreau scholar. Once we spent hours tracking this quotation: "Some men go fishing all their lives without ever realizing it's not fish they are after." We concluded that Thoreau never wrote it, but si non è vero...

Monday, March 17, 2014

Seamus Heaney Euskal Herrian

Gaurko eguna St Patrick's day delarik, aproposa deritzot Heaneyz berriro mintzatzeko, eta hala egin dut Jose Luis Padronekin, Lizardiren baratzean. Field Work, “landa lana” izeneko poema liburua nirekin eraman dut. Izenburu ederrak ditu Heaneyk, gehienak bi hitzez osatutakoak, Human Chain (giza katea), Seeing Things (gauzak ikusten), Electric Light (argi elektrikoa), edo District & Circle, Londreseko metroko bi ibilbideen izenak hain zuzen ere.

Eta liburu horretan aurkitu dut Euskal Herriari egiten dion aipamena, “High Summer” poeman. Emazteak, semeak eta Heaneyk berak egindako bidaiaren oroigarri, poema horretan deskribatzen ditu haurraren negarrak (hortzak ateratzen ari baitzaizkio), arrantzan emandako orduak, lekuak eta tresneria ñabardura guztietan. Eta amaieran:

We left by the high bare roads of the pays basque
where calvaries sentry the crossroads like masts
and slept that night near goatbells in the mists.
Alde egin genuen euskal herriko goiko bide biluzietan barrena
non kalbarioek gurutzebideak zaintzen dituzten mastak bailiran
eta gau horretan lo egin genuen zintzarrien hurbil behelainotan.
Seamus Heaney
Field Work (Faber and Faber, 1979)

No comments:

Post a Comment